Mambo matatu ya kitamaduni ya China yaongezwa kwenye orodha ya mali ya urithi wa utamaduni usioshikia ya UNESCO

Wajumbe wa China wakishangilia kwenye mkutano wa 19 wa Kamati ya Kati ya Serikali ya Kulinda Mali ya Urithi wa Utamaduni Usioshikika uliofanyika Asuncion, Paraguay, Desemba 5, 2024.

Mambo matatu ya kitamaduni ya China, ambayo ni ufundi wa jadi wa ufumaji nguo wa kabila la Wali: kusokota, kupaka rangi, kusuka na kudarizi; Sikukuu ya Mwaka Mpya wa kabila la Waqiang, inayosherehekewa katika Mkoa wa Sichuan wa China, pamoja na usanifu wa jadi na desturi za kujenga madaraja ya tao ya mbao yenye muundo wa upinde ya China, yameongezwa na Shirika la Umoja wa Mataifa la Elimu, Sayansi na Utamaduni (UNESCO) kwenye Orodha yake ya Uwakilishi wa Mali ya Urithi wa Utamaduni Usioshikika wa Binadamu kwenye mkutano uliofanyika Asuncion, Paraguay jana Alhamisi.